Blog

डिभिजन वन कार्यालय, उदयपुर–गाईघाटको आयोजनामा, प्रदेश वन विकास तथा व्यवस्थापन कार्यक्रम अन्तर्गत “सर्प उद्धार तथा पुनर्स्थापना तालीम” २०८२ साल असार २० गते डि. वि. का. सभाहल, बोकेसीमा सम्पन्न भएको छ। यस तालीममा मातहतका वनकर्मीहरू, विशेषगरी अग्र पंक्तिमा (फ्रन्टलाइन) कार्यरत कर्मचारीहरूलाई सर्प उद्धार सम्बन्धी सैद्धान्तिक र प्रायोगिक ज्ञान प्रदान गरिएको थियो। उद्धार तथा तालीमका क्रममा प्राविधिक सहयोग आवश्यक पर्न सक्ने भएकाले सो सम्बन्धमा समेत आवश्यक समन्वय गरियो। तसर्थ, मिथिला वाइल्डलाइफ ट्रस्टको तर्फबाट हामीले स्थानिय जनशक्तिको सहयोगमा निर्मित सर्प उद्धारका लागि आवश्यक वैज्ञानिक स्तरका उपकरणहरू १ सेट डिभिजन वन कार्यालयलाई हस्तान्तरण गरेका छौं। हामी यो प्राविधिक सहयोग गर्न पाउँदा अत्यन्त खुशी छौं। यस कार्यक्रमले वन क्षेत्रमा प्रत्यक्ष रूपमा कार्यरत कर्मचारीहरूलाई थप सशक्त बनाउनेछ भन्ने हाम्रो विश्वास छ। साथै, हामी आशावादी छौं कि यस्ता तालीम तथा सहयोगहरूले मानव–सर्प द्वन्द्व न्यूनीकरणमा दीर्घकालीन प्रभाव पार्नेछ।                              

सर्प संरक्षणको महत्वबारे जनचेतना फैलाउने उद्देश्यले मिथिला वाइल्डलाइफ ट्रस्टद्वारा कुसुमविसैानास्थित आधारभूत विद्यालय मा सर्प संरक्षण सम्बन्धी सचेतना कार्यक्रम सम्पन्न भयो। कार्यक्रममा प्रशिक्षणका लागि श्री Subodh Acharya र साथै, श्री Pradip Ram, श्री Gautam Raj mandal ले कार्यक्रम सञ्चालनमा आवश्यक प्राविधिक सहयोग (technical support) गर्नु भएको थियो। मिथिला वाइल्डलाइफ ट्रस्टका कर्मचारीहरूको सक्रिय सहभागिता रहेको कार्यक्रममा ट्रस्टका कार्यकारी निर्देशक श्री Sachin Kumar Singh को पनि उपस्थिति थियो। विद्यार्थी तथा शिक्षकहरूको उत्साहजनक सहभागिताले कार्यक्रम प्रभावकारी रूपमा सम्पन्न भयो। सर्पहरू जैविक सन्तुलनका लागि अत्यावश्यक जीव हुन्, तर डर र अज्ञानताका कारण मारिने क्रम अझै कायम छ। यस्ता कार्यक्रमहरूले सहअस्तित्व र संरक्षणप्रति सकारात्मक सन्देश फैलाउन मद्दत गर्छन्। कार्यक्रम सफल बनाउन सहयोग गर्नुहुने श्री Purushotam Kumar Ray प्रति विशेष धन्यवाद व्यक्त गरिएको छ। साथै, सम्पूर्ण विद्यार्थीहरू र Secondary School परिवारलाई पनि कार्यक्रमप्रति देखाइएको सक्रियता र सकारात्मक सहयोगका लागि हार्दिक धन्यवाद।